અનંતનાગ-રાજૌરી સીટ પર ચૂંટણીની તારીખ બદલાઈ, હવે 25 મેના રોજ મતદાન થશે
Lok Sabha Election 2024: ચૂંટણી પંચે અનંતનાગ-રાજૌરી લોકસભા સીટ (જમ્મુ અને કાશ્મીર)માં મતદાનની તારીખમાં ફેરફાર કર્યો છે. અગાઉ અહીં 7 મેના રોજ ચૂંટણી યોજાવાની હતી, પરંતુ હવે અહીં છઠ્ઠા તબક્કાનું મતદાન 25 મેના રોજ થશે. ચૂંટણી પંચે અનંતનાગ-રાજોરી સંસદીય સીટની ચૂંટણી સ્થગિત કરવા માટે ભાજપ, અપની પાર્ટી, ડેમોક્રેટિક પ્રોગ્રેસિવ આઝાદ પાર્ટી (ડીપીએપી), પીપલ્સ કોન્ફરન્સ સહિત વિવિધ રાજકીય સંગઠનો અને ઉમેદવારો દ્વારા આપવામાં આવેલી રજૂઆતને ધ્યાનમાં લીધી હતી.
ચૂંટણી મોકૂફ રાખવા માટે આપવામાં આવેલી રજૂઆતમાં દરેકે ખરાબ હવામાનના કારણે મોગલ રોડ બંધ થવાને આધાર ગણાવ્યો હતો. તેમણે કહ્યું કે મુગલ રોડ બંધ થવાના કારણે ઉમેદવારોને મતદારો સુધી પહોંચવામાં મુશ્કેલીનો સામનો કરવો પડ્યો હતો. જેના કારણે સામાન્ય મતદારોનો નિર્ધારિત સમયમાં સંપર્ક થઈ શક્યો ન હતો. પ્રતિનિધિત્વ આપતા ઉમેદવારોએ કહ્યું કે આ લોકસભા સીટ રાજૌરી-પૂંચ અને દક્ષિણ કાશ્મીરના અનંતનાગ, કુલગામ અને શોપિયાંના સરહદી જિલ્લાઓને જોડીને બનાવવામાં આવી છે.
#LokSabhaElections2024 | Election Commission of India revises the date of polling in Anantnag-Rajouri Lok Sabha constituency (J&K). Polling to now be held on 25th May instead of 7th May, as notified earlier. pic.twitter.com/uT1YyACWaG
— ANI (@ANI) April 30, 2024
દક્ષિણ કાશ્મીર અને રાજોરી-પુંછ વચ્ચે સંદેશાવ્યવહારનું એકમાત્ર માધ્યમ મુગલ રોડ છે, જે સતત વરસાદ અને હિમવર્ષાને કારણે ઘણા દિવસોથી બંધ છે. નોમિનેશન વખતે પણ રસ્તો બંધ રહ્યો હતો. અગાઉ અહીં 7 મેના રોજ ચૂંટણી થવાની હતી. આવી સ્થિતિમાં ચૂંટણી મોકૂફ રાખીને ઉમેદવારોને પ્રચાર માટે થોડો વધુ સમય આપવામાં આવે તેવી માંગ ઉઠી હતી.
