‘જે વચન આપ્યું તે નિભાવ્યું…’, સુનિતા વિલિયમ્સની વાપસી પર ડોનાલ્ડ ટ્રમ્પની પહેલી પ્રતિક્રિયા આવી સામે
Donald Trump: ભારતીય મૂળના અમેરિકન અવકાશયાત્રી સુનિતા વિલિયમ્સ અને બુચ વિલમોર 9 મહિના પછી પૃથ્વી પર પાછા ફર્યા છે. આ બંને સ્પેસએક્સના ડ્રેગન કેપ્સ્યુલમાં બેસીને પૃથ્વી પર ઉતર્યા હતા અને હવે આખી દુનિયામાં તેમની વાપસીની ઉજવણી થઈ રહી છે. આ દરમિયાન અમેરિકાના રાષ્ટ્રપતિ ડોનાલ્ડ ટ્રમ્પનું નિવેદન પણ સામે આવ્યું છે.
ડોનાલ્ડ ટ્રમ્પે શું કહ્યું?
ડોનાલ્ડ ટ્રમ્પે કહ્યું, “જે વચન આપવામાં આવ્યું હતું તે પાળવામાં આવ્યું. આજે તેઓ ‘ગલ્ફ ઓફ અમેરિકા’માં સુરક્ષિત રીતે પાછા ફર્યા છે. આ માટે એલન મસ્ક, સ્પેસએક્સ અને નાસાનો આભાર!” રાષ્ટ્રપતિ ટ્રમ્પે અમેરિકન મીડિયાને કહ્યું કે જ્યારે હું ઓફિસમાં આવ્યો ત્યારે મેં એલન મસ્કને કહ્યું હતું કે આપણે સુનિતા વિલિયમ્સ અને બૂચ વિલ્મરને પાછા લાવવા પડશે.
PROMISE MADE, PROMISE KEPT: President Trump pledged to rescue the astronauts stranded in space for nine months.
Today, they safely splashed down in the Gulf of America, thanks to @ElonMusk, @SpaceX, and @NASA! pic.twitter.com/r01hVWAC8S
— The White House (@WhiteHouse) March 18, 2025
એલન મસ્કે નાસા અને સ્પેસએક્સ ટીમને પણ અભિનંદન પાઠવ્યા હતા
એલન મસ્કે પણ નાસા અને સ્પેસએક્સ ટીમોને અવકાશયાત્રીઓના સફળ પરત ફરવા બદલ અભિનંદન આપ્યા અને આ મિશનને પ્રાથમિકતા આપવા બદલ રાષ્ટ્રપતિ ટ્રમ્પનો આભાર માન્યો. એલન મસ્ક નાસા સાથે મળીને તેમનું ડ્રેગન અવકાશયાન અવકાશમાં મોકલ્યું.
આ પણ વાંચો: સુનિતા વિલિયમ્સની વાપસી પર એલન મસ્કની પ્રતિક્રિયા આવી સામે, ડોનાલ્ડ ટ્રમ્પનો માન્યો આભાર
તમને જણાવી દઈએ કે આજે બુધવારે ભારતીય સમય અનુસાર સવારે 3.27 કલાકે ડ્રેગન કેપ્સ્યુલ સફળતાપૂર્વક ફ્લોરિડાના સમુદ્રમાં ઉતર્યું અને નવો ઈતિહાસ રચ્યો. આ સફળતા માટે નાસાએ સ્પેસએક્સનો આભાર માન્યો જેની મદદથી આ મિશન સફળ થયું અને 9 મહિના પછી બંને અવકાશયાત્રીઓ ઘરે પરત ફરવામાં સફળ રહ્યા.
